一些事,一些情

墨尔本几日都落雨,一日唔知落几次,又冻冰冰,好在做起嘢上来唔觉得冻.哩几日都好烦,又要买车,又要卖车,又要烦身份的事,又要交路费,一切一切都离唔开钱,点解我老豆唔系李嘉诚,点解人地得到的嘢我得唔到.细个开始我就知道,从屋企人手上我得唔到我想要的,无论系物质定精神上,所以而家我唯有靠我自己双手,努力做嘢,追求我想要的.

有时我觉得好可笑,我妈叫我得闲多D同我爸倾计,商量下我的事业,好多年前我就已经无乜点同我爸讲嘢了,次次问佢意见,佢都话我自己抓主意,而家先来叫我同佢沟通?我同佢讲电话唔超过2分钟我爸就主动递过电话比我妈,因为我爸都知,我同佢已经无乜话题了,更悲哀的系,我爸问我有无咩想同我妈讲,我知我妈起隔离想同我讲两句的,但系我话无了,之后就收线.有时我爸未等我反应就递过电话比我妈,互相招呼两句之后我就唔想讲嘢了,之后收线,前后唔够1分钟.

屋企人,又系屋企人,我好多次同自己讲,唔好再想哩D问题了,但系我就系经常想起. 因为一个没有家感觉的人,都想有个温暖的家.见到其他朋友一家人融融恰恰,自己好替佢地开心的同时,心入边真系不是滋味.

哩个几星期,同屋住的couple一齐翻咗中国,另外一个housemate一个星期都唔翻屋企一次,一个人同2个狗独守成间屋,虽然我都好enjoy一个人住,够晒free,但系一个人孤零零的果种失落,真系好难受,所以我宁愿去打多D工,唔系好想留起屋企.

心若没有栖息的地方，到哪里都是在流浪！

上星期2去了悉尼,餐餐大鱼大肉,肉蟹,皇帝蟹,生蚝,刺身,几乎咩都食过晒,晚上就连续唱了两晚K,唱到饮到喉咙痛,头痛,声沙,乜都齐,之后翻到Mel,又系晚晚唱K,点解,因为wilson6月1号翻中国了,唔翻来了.

来澳洲几年,wilson算同我饮得最多酒了,唱K,食饭,无酒不欢,几个月前知道佢话要走,都唔当一回事,点知日日越来越近的时候,先发觉好唔舍得,一班人去悉尼其实都系为咗wilson,因为佢未去过,大家一起陪佢去玩,越接近1号果晚,大家就越唔舍得,唱唱下K仲忍唔住喊,周华健的<<朋友>>,谭咏麟的<<朋友>>不知唱了几次,wilson终于走了,饮酒的人又少咗个了,平时一个电话就出来食饭唱K,而家电话都打唔通了,果种失落真系唔知点形容,wilson,结婚的时候记得搵我.

有一日去间新餐厅顶工,识咗个新同事,原来佢好多年前又系读物流的,佢问咗我几个有关物流方面的嘢,我一样都唔识,佢话乜而家D大学咁噶,教到D学生乜都唔识.其实来到墨尔本无几耐我就已经意识到起澳洲读书系无出路的,除非你真系读得好top,好多人话可以翻中国靠个文凭搵工,但系我扪心自问,我凭咩去同咁多中国大学生竞争,除咗英语好少少之外,我根本睇唔到我有咩优势.一个月千几两千蚊工对于海归派来讲,简直要forget it.

而家的目标系PR,读master可以罗PR,但系我唔想使咁多钱,靠读书罗PR不失为一个好方法,但系将来要做几耐嘢先可以归本,屋企无乜钱,我唯有靠自己,打工其实都几好,只系无咗读书咁free了,anyway,都系要及时行乐,得闲去玩下先得.

翻到mel都有3个星期了,日日都浑浑噩噩咁,无做到D咩嘢.之前翻去中国简直玩到癫晒,乐不思蜀了,落夜总会,饮酒,识女仔,果种夜夜笙歌的生活真系令人向往,但系却不切实际的.我好中意玩,前提系做晒D正经嘢先,之后就会尽情咁玩,起中国的时候,唔使打工,唔使读书,纯粹度假,果D先系真正的放假.

好想搵份full time工做下,不过好多嘢都未定落来,唯有见步行步,好多人都问我打算点,读唔读书,我自己都唔知,time will tell.我爸又同我讲屋企无钱了,阿爷间屋要拆,无地方住,要花钱,大家要一齐挨.好似我唔挨得咁,好似我使咗佢好多钱咁,既然屋企无钱,当初点解又要隔硬送我出国呢,我唔稀罕我屋企D钱,将来买屋,买车,结婚,我有能力的话,绝对唔用屋企的钱,最多迟D先买屋,结婚又点话嗟.好羡慕人地屋企大把钱的人,起码佢地唔使为咗钱太烦恼,不过佢地的其他烦恼,我就唔知了.有D人物质上满足了,精神上却满足唔到.哩D就系有钱人的烦恼.我几时先物质上满足下呢.

唔理了,起澳洲要及时行乐,今朝有酒今朝醉.........

Look at the stars, look how they shine for you

我话戒酒嗟，已经即刻有人同我讲话我戒唔到了，其实我都系想戒一段时间嗟，琴晚都唔知几支酒了，红酒，白酒，芝华士，轩尼诗，不过D 酒都好ok好饮，我唔系唔饮得，但系有时我只系想保持下清醒，如果我真系戒酒，我相信好多人都对我不满，唉，左右做人难，舍命陪君子。

08年即将过去了,同往年一样,08年都平平淡淡中渡过,当中酸甜苦辣大家都好清楚,唔想讲了,而且果D寄望09年会好的说话我都唔讲了,因为我一直都相信事在人为,果D好彩的,bad luck的日子大部分都系由自己做成的,与其埋怨哩样埋怨果样,倒不如先反省自己,睇下自己有边度做得唔够,再去改进.人与人之间真系好复杂,虽然我份人好简单,至少表面上我可以做到好简单,但系有好多嘢我地都好难控制,尤其系出现矛盾的时候,谁对谁错真系讲唔清楚,虽然我作出让步,但系都系唔用,算了,虽然我知道我地唔应该因过去无法挽回的事烦恼,但系心入边仲系有D唔舒服.

已经连续错过咗2次阿爷阿嫲的生日了,我觉得阿嫲D反应越来越慢了,同佢讲电话的时候我都唔知佢知唔知道我讲乜的,真系好担心.不过两老的身体都几ok,咁我都无咁担心.

之前有好几次心情好down的时候,真系好想放下一切翻中国,乜都唔理了,但系翻去的话又有好多嘢烦,想走却不能走,不想留却要留,今年好多人都翻去了,过年果阵有几多人可以出来食餐饭呢.09年对于我来讲系好重要的一年,好多嘢都必须起哩一年里搞掂, 希望顺顺利利啦.....

考完试都有一段时间了,日日起屋企做宅男,期望就同人出city食生蚝,食炒粉,食蚬,食粥,好似翻到中国咁,个个都感叹起澳洲好闷,边似中国,夜夜笙歌.

而家搵紧野做,虽然餐厅分工够我生活费,但系唔搵多D钱,边够我去旅游,买机票呢,近排其实都几多嘢搞,不过急唔来,按部就班,存够钱就买机票,定系订咗机票先再努力搵钱呢.....

好多F 都好想我翻,有时我都好想翻,不过我翻到去最怕个个都打工,个个都话唔得闲,咁我都无意思啦.如果有人肯请假都出来陪下我的话,我就考虑下翻,呵呵呵呵呵呵呵呵呵